ഓരോ കഷ്ടാനുഭവ ആഴ്ചയും മനസ്സിൽ വരുന്ന ഒരു ചിന്ത ഉണ്ട്. എങ്ങനെ ആയിരിക്കും ആ അമ്മ തന്റെ മകന്റെ വേർപാട് ഉൾക്കൊണ്ടത്. 33 വയസും മാത്രം ആയിരുന്നു തന്റെ മകന്റെ പ്രായം. തന്റെ ജീവൻ ആയിരുന്ന ആ നീതിമാന്റെ വേർപാടിന്റെ സങ്കടത്തിൽ ആയിരിക്കണം ആ വിധവ ഇപ്പോഴും. അപ്പോഴാണ് തന്റെ ഏക മകന്റെ കുരിശിൻ ചുവട്ടിൽ നിൽക്കേണ്ടി വരുന്നത്. ആ അമ്മയുടെ മുമ്പിൽ വെച്ച് ആണ് അവനെ വധിച്ചവർ അവൻ കുറ്റക്കാരൻ എന്ന് പച്ചകുത്തിയത്, ചമ്മട്ടികൊണ്ട് അടിച്ചത്, മുഖത്തു തുപ്പിയത്, അപമാനിച്ചത്. ഇതെല്ലാം ഉള്ളപ്പോഴും എനിക്കു തോന്നുന്നു ആ അമ്മ ആ കാൽവറി കുന്നിൽ നിന്നും ഹൃദയംതകർന്നു പാടിയിരിക്കാം എന്റെ ദേഹി കർത്താവിനെ പുകഴ്ത്തുന്നു. എന്റെ ആത്മാവ് എന്നെ ജീവിപ്പിക്കുന്നവനായ ദൈവത്തിൽ സന്തോഷിച്ചു. കാരണം അവൾക്കു അറിയാമായിരുന്നു തന്റെ മകന്റെ ഈ മരണം മാനവ രക്ഷയ്ക്കും ഉദ്ധാരണത്തിനും വേണ്ടിയാണെന്ന്. സ്രാമ്പിക്കൻ Pic Courtesy- Rev. Fr. Rijo Geevarghese